ჩემს პოსტში მე მინდა ყურადღება გავამახვილო ქართულ რეალობაზე და გამოვყო ის საკითხები, რაც ყველაზე მეტად აწუხებთ ქართველ ახალგაზრდებს. მნიშვნელოვანია ის, რომ მე თავად ვარ ამ თაობის წარმომადგენელი და ჩემთვის ძალიან ადვილია ზუსტად გადმოვცე ის, რაც ამ პოსტში იქნება განხილული, რადგან ეს ყველაფერი ჩემში და ჩემს გარშემო ხდება.
ხშირად ხდება ისე, რომ ახალგაზრდობის დაუფიქრებელ ნაბიჯებს "ხანმოკლე ოჯახის" შექმნაც მოჰყვება. ყველასთვის ცნობილია, რომ თინეიჯერული ოჯახებიდან ერთეულები თუ უძლებენ პრობლემებს და ყალიბდებიან ნამდვილ ოჯახებად, ხოლო ასეულები კი ინგრევა და ხშირ შემთხვევაში მხოლოდ ცოლ-ქმარი არ რჩება გულგატეხილი. ამ გარემოებას მსხვერპლად ბავშვიც ეწირება. ეს კიდევ არაფერია იმასთან შედარებით, რომ უმეტესობა ქალებისა განათლების გარეშე რჩება და აქედან გამომდინარე, არც ის შეუძლიათ, რომ ლუკმა-პურის ფული იშოვონ. ალბათ ვერცერთი მშობელი გაუძლებს შვილის მშიერ თვალებს და ყველაფერს გააკეთებს იმისთვის, რომ ისეთი მომავალი შეუქმნას თავის ბავშვს როგორიც თავად არ ჰქონია.დამეთანხმებით,რომ დღეს თავის გატანა არც ისე იაფია და დამლაგებლობით ოცნების კოშკებიც კი არ აიგება არა თუ რეალური მომავალი.ვერ ვიტყვი რომ მეძავების 100% ასეთი ქალები არიან, მაგრამ ასეთები მაინც ბევრია.კარგია ახალგაზრდობა, რადგან ჩადენილი სისულელეები დროდადრო უფრო სასაცილოდ გვეჩვენება.მაგრამ სანამ რაიმე ნაბიჯს გადავდგამთ მეტი დაფიქრება და წინდახედულობა გვმართებს რამეთუ ამ სისულელემ შეიძლება ჩვენს გარშემო მყოფებიც დააზარალოს.
